وعليكم السلام ورحمة الله وبركاته
كل انسان له طريقة مختلفة في التعبير والتفاعل والتربية، ممكن امك بتتعامل معك بطريقة مختلفة كونك الأكبر والأوعى، وبتعتبر اخوتك الاصغر انهم ما وصلوا لمرحلة الوعي يلي انتي فيها لهيك بتتقبل منهم التصرفات السلبية وبتعتبرها بدون وعي، لكن منك كونك الأكبر بتعتبرها عن قصد.
وأحيانا بكونوا الوالدين عندهم اسباب صعب يوضحوها لأولادهم بخصوص اختلاف تعاملهم بين الأولاد وعادة بتكون هذي الأسباب مقنعة لو انعرفت.
ممكن كحل لمشكلتك انك تحكي معها بصراحة وبهدوء عن مشاعرك، ولكن بطريقة هادئة ومحترمة. حاولي أنك تشرحيلها كيف بكون شعورك وقت بتشوفي هذي التصرفات من اخوتك الأصغر وتوضحيلها رأيك.
والنقاش بهذا الموضوع يكون في لحظة راحة مش لحظة غضب، لأن اي شيء بتم مناقشته في لحظات الغضب بتكون ردود الفعل عليه سلبية، استغلي وقت تكون امك هادية فيه ومبسوطة وافتحي معها الموضوع بكل هدوء واحترام.
وتأكدي ان الأم بتتحمل وبتصبر كثير، ودائماً بتعتبر بنتها الأكبر سند الها اكثر من الباقي وهي اللي بتكون الأقرب الها.
يمكنكم طرح اسئلتكم والعودة للمنصة من خلال البحث في جوجل عن: اسال المنهاج
