انا طالب شاطر والاول عالصف ..بس بصراحة من اول الشهر اهلي لا موفرين جو ولا عاملين اشي
وانا بعرفوني ما بعرف ادرس بالصوت ..واخوي واختي صغار صوتهم عالي مزعجين وفش اتقل من دمهم..اه وكمان ابوي بفتح التلفزيون وبخلي الصوت زي السينما
بسكر باب الغرفة وبرضو الصوت عالي ...امي صارت تحب صلاة التراويح كل يوم تروح عليها وترك اخوي الصغير عندي ...وغير هيك ما ضل حدا اتصل وسأل عني الا تحكيله وضعي بالتفصيل وشو خاتم وشو ضايلي وتسألهم عن ولادهم الي بفروع اسهل من فرعي وتيجي تسمعني وتعملي طعنات من بعيد انو همه ماشيين بالمواد ...طيب انا شو اعمل اذا دراستهم غير عني وفرعهم غير ليش تقارن
انا نفسيتي كتير تعبت وضايلي مادتين لسا ما طبيت فيهم ..وطول عمري نفسي ادرس برا هندسة مش موجودة عنا وكل ما اجيب سيرة منحة او دراسة برا بقلبوني مسخرة او امي بتعصب وبتصير تقاتل وتا تنجح اول ومن هالحكي هاد وراسها بصير يوجعها وبتحاربني يومين..طيب ليش هالقد يعني مش عارف ؟؟!!!
بدي اي نصيحة اي اشي ساعدوني من شان الله !
